کراچی: فیس بک نے جماعت اسلامی کراچی کے 5لاکھ سے زائد فالورزپر مشتمل آفیشل پیج کو بندکر دیا۔
امیر جماعت اسلامی کراچی حافظ نعیم الرحمن نے فیس بک کی انتظامیہ کی جانب سے جماعت اسلامی کراچی اور اس کے سیکڑوں کارکنوں کے ذاتی اکاؤنٹ اور پیجز کو اچانک بند کرنے کی شدید الفاظ میں مذمت کی ہے۔
انہوں نےحکومت پاکستان سے اپیل کی ہے کہ فیس بک کی ا س کھلم کھلا جانبداری اور بھارت نوازی کا نوٹس لے اور فوری طور پر ان اکاؤنٹ اور پیجز کو بحال کیا جائے اور اگر ایسانہ کیا گیا تو فیس بک کو پاکستان میں اپنے کاروبار سے روک دیا جائے۔
واضح رہے کہ فیس بک کا ریجنل آفس بھارت میں قائم ہے جہاں انڈین لابی کا اثرو نفوذ اس حد تک ہے کہ کشمیر پر بات کرنے والے ہر فرد کے ذاتی اکاؤنٹ اور آفیشل پیجز بند کردیئے جاتے ہیں۔
#Facebook is earning Billions of Dollars from #Pakistan Business Market while #IndianLobby present in #Dehli FB Office, suspending, blocking and disabling Pakistanis & Kashmiris account b/c of support for oppressed Kashmiris#IndianOccupiedFacebook
— Naeem ur Rehman (@NaeemRehmanEngr) December 9, 2019
