جہلم : فیس بک کی دوستی پیار میں بدل گئی، چینی دولہا دیسی دلہنیا لینے پاکستان پہنچ گیا، نکاح کی سادہ تقریب میں قریبی عزیزوں نے شرکت کی۔
تفصیلات کے مطابق جہلم کی رہائشی سونیا کی دوستی چھ ماہ پہلے فیس بک پر چینی نوجوان سے ہوئی اورپھر یہ تعلق بڑھتا گیا یہاں تک کہ چینی دوست نے مشرقی لڑکی کو شادی کا پیغام دے ڈالا۔
پہلے تو سونیا نے انکار کیا جو بعد میں اقرار میں بدل گیا، چینی نوجوان نے خوابوں کی شہزادی کو پانے کیلئے حلقہ بگوش اسلام ہونا بھی قبول کرلیا۔
چینی باشندے کا اسلامی نام احمد رکھا گیا، پھردونوں نے اپنے بزرگوں کی اجازت سے شادی کا پروگرام بنا لیا، احمد اپنی برات لے کر جہلم پہنچ گیا ۔
بعد ازاں سادہ تقریب میں اس کی سونیا کےساتھ شادی ہو گئی، مقامی ہوٹل میں ہونے والی شادی کی تقریب میں دلہا دلہن کےاہل خانہ شریک ہوئے۔
