The news is by your side.

Advertisement

فیس بک کا تیز ترین سپر کمپیوٹر تیار!

فیس بک جس کا نیا نام میٹا ٹیکنالوجی کمپنی ہے اس نے ایساتیز ترین سپر کمپیوٹر تیار کیا ہے جس کی پراسیسنگ پاور دنیا کے 5 تیز ترین سپر کمپیوٹر کے مساوی ہے۔

کمپنی نے یہ اعلان پیر کے روز کیا جس میں بتایا گیا کہ گرافکس پراسیسنگ یونٹس سے لیس اس کمپیوٹر میں 760 نویڈیا اے 100 موڈیولز موجود ہیں۔

آر سی ایس اتنا طاقتور کمپیوٹر ہے کہ وہ مختلف زبانوں کا ترجمہ بیک وقت کرسکتا ہے، اس کمپیوٹر کو تصویر کی شناخت کی تربیت دینے والا اے آئی سسٹم دنیا کے پانچویں سپر کمپیوٹر سے 20گنا تیز جب کہ انسانی تقریر کے ترجمے کے لیے 3 گنا تیز ہے۔

میٹا کے چیف ایگزیکٹو مارک زکربرگ کے مطابق یہ آرٹیفیشل انٹیلی جنس پر مبنی ٹاسکس کے لیے تیار کی جانے والی تیز ترین مشین ہے، جس کی پراسیسنگ پاور اتنی ہے جتنی 6080 ریسرچ سپر کلسٹر (آر سی ایس) یعنی دنیا کے 5 تیز ترین سپر کمپیوٹر پلرمیوٹر سپر کمپیوٹر کی ہے۔

دوسرے مرحلے میں رواں سال کے دوران ہی میٹاکی جانب سے اس مشین میں 16 ہزار جی پی یوز کا اضافہ کرکے اس کی کارکردگی کو مزید بہتر بنایا جائے گا، میٹا کی جانب سے آر سی ایس کو ایسے مختلف ریسرچ پروجیکٹس کے لیے استعمال کیا جائے گا جن کے لیے بہترین پرفارمنس کی ضرورت ہوگی جیسے ملٹی ماڈل اے آئی جو ساؤنڈ، امیجری اور ایکشنز کا امتزاج ہوگا۔

کمپنی امید کرتی ہے کہ اس طرح وہ فیس بک کے ایک بڑے مسئلے یعنی نقصان دہ مواد پر قابو پاسکے گی، میٹا کو یہ بھی توقع ہے کہ وہ آر سی ایس کو استعمال کرکے کمپنی کی نئی ترجیح کی میٹاورس کی ورچوئل دنیا کی تعمیر بھی کرسکے گی۔

مارک زکربرگ کے مطابق میٹاورس کی تعمیر کے لیے ہمیں بہت زیادہ کمپیوٹ پاور کی ضرورت ہوگی، آر سی ایس سے نئے اے آئی ماڈلر کو ان ایبل کیا جاسکے گا جو کھربوں مثالوں سے سیکھ سکے گا، سیکڑوں زبانیں سمجھنے کے ساتھ اور بھی بہت کچھ کرسکے گا۔

۔

Comments

یہ بھی پڑھیں