The news is by your side.

Advertisement

چاکلیٹس اور بسکٹس کے ساتھ اب فیس ماسک بھی وینڈنگ مشین سے نکلیں گے

لندن/سنگاپور: کرونا وائرس کے پھیلاؤ کو روکنے کے لیے اب فیس ماسک بھی وینڈنگ مشین سے مل سکتے ہیں۔

تفصیلات کے مطابق کرونا وبا کے دوران لندن اور سنگاپور میں عوام کے لیے نئی سہولت فراہم کی گئی ہے، چاکلیٹس، بسکٹس، اور کولڈ ڈرنکس ہی نہیں اب فیس ماسک بھی وینڈنگ مشین سے مل سکتے ہیں۔

لندن میں کرونا وبا کی تشویش ناک صورت حال کے پیش نظر یہ اقدام اٹھایا گیا ہے، شاپنگ مالز اور عام دکانوں کے ساتھ ساتھ عوام کی سہولت کے لیے جگہ جگہ ماسک وینڈنگ مشین نصب کر دی گئی ہیں۔

حکومت کی جانب سے فیس ماسک کو لازمی قرار دینے کے بعد اپریل میں ایک نئی لانچ ہونے والی کمپنی ماسکیو نے یہ آئیڈیا پیش کیا، کمپنی کے مالک 42 سالہ ایڈم فری مین نے بتایا کہ کرونا وائرس کی وبا کے شروع میں وہ اپنے ایک دوست اور پڑوسی روسل سے گفتگو کر رہا تھا کہ یہ آئیڈیا ذہن میں آیا۔

دریں اثنا، سنگاپور نے بھی ایسی وینڈنگ مشینیں لانچ کر دی ہیں جن سے عوام مفت میں فیس ماسک حاصل کر سکیں گے، یہ سہولت این جی او تماسک فاؤنڈیشن فراہم کر رہی ہے، جس کا آغاز 29 جون سے ہوگا، بتایا گیا ہے کہ سنگاپور بھر میں 1 ہزار 200 مشینیں لگائی جائیں گی، جن سے ہر شہری 2 فیس ماسک مفت حاصل کر سکے گا۔

واضح رہے کہ برطانیہ میں کرونا وائرس سے ہونے والی اموات بڑھ کر 43,230 ہو چکی ہیں جب کہ 307,980 افراد وائرس سے اب تک متاثر ہو چکے ہیں۔ دوسری طرف سنگاپور میں اب تک صرف 26 افراد ہی وائرس سے ہلاک ہوئے ہیں تاہم 42,955 افراد وائرس سے متاثر ہوئے۔

Comments

یہ بھی پڑھیں