کراچی کے علاقے کورنگی صنعتی ایریا میں گتا فیکٹری میں آتشزدگی کے باعث لاکھوں روپے کی مالیت کا سامان جل کر خاکستر ہوگیا،فائر بریگیڈ کی گاڑیاں تاحال آگ بجھانے میں ناکام ہیں۔
تفصیلات کے مطابق کورنگی صنعتی ایریا میں واقع گتے کی فیکٹری میں آگ بھڑک اُٹھی جس نے دیکھتے ہی دیکھتے تمام فیکٹری کو اپنی لپیٹ میں لے لیا، آتشزدگی کی اطلاع ملتے ہی کے ایک سی مے محکمہ فائر بریگیڈ کی گاڑیاں روانہ کر دی گئیں جنہوں نے موقع پر پہنچ کر فیکٹری میں پھنسے ملازمین کو باہر نکال کر آگ پر قابوپانے کی کوششیں شروع کردیں ۔
اسی سے متعلق : کراچی،سائیٹ ایریا میں فیکٹری میں آگ بھڑک اُٹھی
فائر بریگیڈ حکام کے مطابق کورنگی مہران ٹاون کے قریب واقع فیکٹری میں اچانک آگ بھڑک اٹھی ،اطلاع ملتے ہی فائر برگیڈ کی گاڑی کو اطلاع دی گئی ایک فائر ٹینڈر سمیت فائر برگیڈ کی پانچ گاڑیوں نے آگ بجھانے کے عمل میں حصہ لیاآتشزدگی کے وقت فیکٹری میں موجود ملازمین کو بحفاظت باہر نکال لیا گیا تھاواقعے میں کسی قسم کی جانی نقصان کی اطلاع نہیں ملی۔
یہ بھی پڑھیں : کلفٹن میں آٹھ منزلہ عمارت میں آگ لگنے سے ایک شخص ہلاک
آگ کی شدت اتنی زیادہ ہے کہ فائر بریگیڈ عملے کو فیکٹری میں داخلے کے لیے شدید دشواری کا سامنا کرنا پڑا،اس لیے فیکٹری کی دیواروں کو توڑ کر اندر داخل ہوئے اور آگ پر قابو پانے کی کوشش کر ہے ہیں تا ہم ابھی تک کامیابی حاصل نہیںکر سکے ہیں۔
