پاکستان شوبز انڈسٹری کے اداکار، پروڈیوسر و ٹی وی میزبان فہد مصطفیٰ ان دنوں ’کبھی میں کبھی تم‘ میں اپنے ہٹ کردار مصطفیٰ کی وجہ سے مقبول ہیں۔
فہد مصطفی تجربہ کار اداکار صلاح الدین تنیو کے بیٹے ہیں جو سندھی انڈسٹری کا ایک بڑا نام تھے، تاہم ان کا بیٹا قومی ہیرو بن گیا جس کا فلموں، ڈراموں اور گیم شوز پر راج ہے۔
View this post on Instagram
اداکار فہد مصطفیٰ نے اپنے ڈرامے کے فائنل ایپی سوڈ کے لیے ستاروں سے بھرے پریمیئر کی میزبانی کی اور جہاں ان کے فیملی میمبر نے بھی شرکت کی۔
اس موقع پر موجود فہد مصطفیٰ کے والد تجربہ کار اداکار صلاح الدین تنیو اپنے بیٹے کی کامیابی پر خوشی سے نہال نظر آئے، انہوں نے کہا کہ اپنے بیٹے کی کامیابی اور عوام کی طرف سے ملنے والی محبت پر بہت فخر ہے۔
صلاح الدین تنیو کا کہنا تھا کہ میں ایک خوش نصیب باپ ہوں کہ اپنے بیٹے کو اتنا کامیاب دیکھ رہا ہوں، میں نے اپنے بیٹے کا مکمل ڈرامہ دیکھا ہے ایک ایپی سوڈ بھی مس نہیں کیا۔
اداکار فہد مصطفیٰ کے والد کا مزید کہنا تھا کہ پریمیئر کے موقع پر موجود لوگ اس بات کی گواہی ہیں کہ یہ ڈرامہ کتنا ہٹ ہے اور لوگوں نے کتنا زیادہ اسے پسند کیا ہے، میرا بیٹا بہت اچھا اور بڑا آرٹسٹ ہے۔
Fahad Mustafa with his father and mother at ‘Kabhi Main Kabhi Tum’ finale at Karachi Cinema
