پاکستان سپر لیگ کے دوسرے سیزن کا دبئی میں 9 فروری سے آغاز ہونے جا رہا ہے اور افتتاحی تقریب کی میزبانی کی ذمہ داری اے آر وائی ڈیجیٹل کے مقبول پروگرام ’جیتو پاکستان‘ کے میزبان فہد مصطفیٰ کو سونپی گئی ہے۔
پاکستان سپر لیگ کے سوشل میڈیا اکاؤنٹس پر پوسٹ کی جانے والی ویڈیو میں فہد مصطفیٰ نے اپنے مداحوں کے لیے خود اس خوشخبری کا اعلان کیا۔
Pakistanis’ Favorite TV Host @fahadmustafa26 tells you why #9thFeb is a date you don’t want to miss! #HBLPSL #AbKhelJamayGa pic.twitter.com/75VhT699sf
— PakistanSuperLeague (@thePSLt20) January 24, 2017
ویڈیو میں وہ بہت پر جوش دکھائی دے رہے ہیں اور اپنے مداحوں کو بھی اس تاریخی ایونٹ کا حصہ بننے کی دعوت دے رہے ہیں۔
یاد رہے کہ اے آر وائی نیٹ ورک کی ٹیم کراچی کنگز کی قیادت سری لنکن کھلاڑی کمار سنگا کارا کر رہے ہیں۔ ٹیم کے دیگر کھلاڑیوں میں شعیب ملک، کرس گیل، روی بوپارہ اور مہیلا جے وردنے وغیرہ شامل ہیں۔
پاکستان سپر لیگ کا دوسرا سیزن 9 فروری سے 7 مارچ تک کھیلا جائے گا۔ لیگ کا فائنل لاہور میں منعقد ہوگا۔
