ڈربی: قومی ٹیم کے آل راؤنڈر شاداب خان اور فہیم اشرف نے لارڈز میں پارٹنر شپ کی یاد تازہ کردی۔
تفصیلات کے مطابق قومی ٹیم کے آل راؤنڈر فہیم اشرف اور شاداب خان نے 2018 میں انگلینڈ کے خلاف ساتویں وکٹ کے لیے 72 رنز کی شراکت قائم کی تھی، کھلاڑیوں کا کہنا ہے کہ ہم اچھے دوست ہیں بیٹنگ کے دوران ایک دوسرے کا حوصلہ بڑھایا جس سے بیٹنگ کرنے میں آسانی ہوئی، امید ہے اس بار بھی اچھی کارکردگی دکھائیں گے۔
فہیم اشرف نے بتایا کہ 2018 کے دورہ انگلینڈ میں مجھ سے جب بھی کوئی غلطی ہوتی تھی تو شاداب یہ نہیں کہتا تھا کہ یہ کیا کردیا بلکہ وہ یہی کہتا تھا کہ کوئی بات نہیں اگلی مرتبہ اچھا کھیلو گے۔
The 72-run seventh-wicket stand between Shadab Khan and Faheem Ashraf gave Pakistan the upper hand in the 2018 Lord's Test. Pakistan won the match inside 10 sessions.
Here @iFaheemAshraf and @76Shadabkhan recall their match winning partnership.#ENGvPAK pic.twitter.com/V1FZQDxgQy
— Pakistan Cricket (@TheRealPCB) July 14, 2020
لیگ اسپنر شاداب خان نے کہا کہ ہم دونوں ایک دوسرے کے بال لیفٹ کرنے کی بھی تعریف کرتے تھے، کئی مرتبہ ایک دوسرے کا اعتماد بڑھانے کے لیے جھوٹی تعریف بھی کرتے تھے۔
یاد رہے کہ 2018 میں انگلینڈ کے خلاف شاداب خان اور فہیم اشرف نے لارڈز کے تاریخی میدان میں ساتویں وکٹ کی شراکت میں 72 قیمتی رنز جوڑے تھے۔
