The news is by your side.

Advertisement

مغربی بنگال کے انتخابات میں شکست، بی جے پی کی مشکلات میں اضافہ

نئی دہلی : بھارتی کی حکمران جماعت بھارتیہ جنتا پارٹی کی ریاستی انتخابات میں بری طرح ناکامی کے بعد رہنماؤں نے مودی سے منہ موڑنا شروع کردیا۔

غیرملکی میڈیا رپورٹ کے مطابق بھارت میں برسر اقتدار جماعت بھارتیہ جنتا پارٹی کی مرکز میں حکومت ہونے کے باوجود ریاستی انتخابات میں بدترین شکست نے پارٹی رہنماؤں کو دربدر کردیا۔

مغربی بنگال میں ہونے والے انتخابات میں ترنمول کانگریس کی کامیابی کے بعد بی جے پی میں جانے والے ترنمول رہنماؤں نے واپسی کےلیے وزیر اعلیٰ ممتا بنرجی کو خط لکھ دیا۔

انتخابات سے قبل متعدد ترنمول کانگریس کے رہنماؤں نے بی جے پی میں شمولیت اختیار کی تھی جب کہ کچھ بی جے پی رہنما بھی ترنمول میں شامل ہوئے تھے لیکن اب صرف بی جے پی چھوڑ کر ترنمول کانگریس میں داخلے کا سلسلہ جاری ہے۔

بھارتیہ جنتا پارٹی میں جانے والے امول آچاریہ اور سابق ڈپٹی اسپیکر مغربی بنگال اسمبلی سونالی گوہا نے وزیراعلیٰ سے معذرت کرتے ہوئے واپس ترنمول کانگریس میں شمولیت کا ارادہ ظاہر کیا ہے۔

ان کے علاوہ ضلعی کونسل کی رکن سرلا مرمو نے بھی ترنمول کانگریس چھوڑنے کو اپنی غلطی قرار دیتے ہوئے کہا کہ مجھے اپنی غلطی کا احساس ہوگیا ہے اور اب میں اپنی جماعت میں واپسی چاہتی ہوں۔

Comments

یہ بھی پڑھیں