کراچی/فیصل آباد: شہر قائد اور پنجاب کے شہر فیصل آباد میں پولیس نے اہم کارروائیاں کرتے ہوئے 14 ملزمان کو گرفتار کرلیا۔
تفصیلات کے مطابق کراچی کے مختلف علاقوں میں پولیس نے کارروائیاں کرتے ہوئے چار ڈاکوؤں کو رنگے ہاتھوں گرفتار کر لیا جن سے اسلحہ برآمد ہوا۔
پولیس کے مطابق کراچی کے علاقے ناگن چورنگی فوڈ اسٹریٹ کے قریب کارروائی کی گئی جس کے نتیجے میں 2 ڈاکوؤں کی گرفتاری عمل آئی، ملزمان سے دو پستول اور لوٹا گیا سامان اور مسروقہ موٹر سائیکل بھی برآمد ہوا۔
پولیس کا کہنا ہے کہ مزمان کے دو ساتھی موقع پر فرار ہونے میں کامیاب ہوگئے، جن کی تلاش کے لیے گرفتار ملزمان سے تفیش کے بعد چھاپے مارے جائیں گے۔
رینجرز کی سندھ کے مختلف شہروں میں کارروائیاں،7 ملزمان گرفتار، اسلحہ برآمد
دوسری جانب شہر قائد کے علاقے منگھو پیر میں بھی لوٹ مار کرنے والے دو ملزمان کو پولیس نے گرفتار کیا، ملزمان سے اسلحہ اور شہری سے چھینا گیا سامان بھی برآمد ہوا۔
علاوہ ازیں فیصل آباد میں پولیس نے پتنگ اور کیمیکل ڈور بنانے والے کارخانوں پر چھاپہ مارتے ہوئے 10 ملزمان کو گرفتار کر لیا، جن سے لاکھوں روپے مالیت کا سامان برآمد ہوا۔
پولیس کا کہنا ہے کہ کارروائی کے دوران کارخانوں کے مالکان کی جانب سے مزاحمت کا سامنا کرنا پڑا، فیکٹری مالکان نے اہلکاروں سے ہاتھاپائی کرنے کی کوشش کی اور پتھراؤ بھی کیا، مذکورہ کارروائیاں مانانوالہ، مغل محلہ اور چار چک روڈ پرکی گئیں۔
