اسلام آباد: سینیٹر فیصل جاوید کا کہنا ہے کہ پاکستان نے 2018 سے 2028 کو ڈیمز کی دہائی قرار دیا ہے، 10 سال 10 ڈیمز کا منصوبہ تیزی سے جاری ہے۔
تفصیلات کے مطابق سینیٹر فیصل جاوید نے سماجی رابطے کی ویب سائٹ ٹویٹر پر اپنے ٹویٹ میں کہا کہ وزیر اعظم عمران خان بین الاقوامی سمپوزیم پاکستان کی ہائیڈرو پاور ڈویلپمنٹ عالمی تناظر میں، سے خطاب کریں گے۔
فیصل جاوید کا کہنا تھا کہ کل بروز پیر پاکستان کی میزبانی میں ہونے والے سمپوزیم میں امریکا، سوئٹزر لینڈ، ترکی، آسٹریلیا اور چین کے ڈیموں کے متعدد بین الاقوامی ماہرین شرکت کریں گے۔
انہوں نے کہا کہ ایک روایتی سیاست دان صرف اگلے الیکشن کا سوچتا ہے جبکہ ایک لیڈر آنے والی نسل کے لیے کام کرتا ہے۔
سینیٹر کا مزید کہنا تھا کہ پاکستان نے 2018 سے 2028 کو ڈیمز کی دہائی قرار دیا ہے، 10 سال 10 ڈیمز کا منصوبہ تیزی سے جاری ہے، بدقسمتی سے پاکستان نے پچھلے 50 سالوں میں ایک بھی بڑا ڈیم نہیں بنایا۔
ایک روایتی سیاست دان صرف اگلے الیکشن کا سوچتا ہے جبکہ ایک لیڈر آنے والی جنریشن کے لیے کام کرتا ہے۔ پاکستان نے 2018 سے 2028 کو ڈیمز کی دہائی ڈکلیئر کیا ہے -10 سال 10 ڈیمز کا منصوبہ زوروں پر جاری ہے۔ بدقسمتی سے پاکستان نے پچھلے 50 سالوں میں ایک بھی بڑا ڈیم نہیں بنایا۔#DecadeOfDams
— Faisal Javed Khan (@FaisalJavedKhan) February 13, 2022
