The news is by your side.

Advertisement

”خط سامنے لائے تو عمران خان کو فائدہ اور اپوزیشن تباہ ہو جائے گی“

اسلام آباد: پاکستان تحریک انصاف کے رہنما سینیٹر فیصل جاوید کا کہنا ہے کہ دھمکی آمیز خط سامنے لائے تو وزیر اعظم عمران خان کو فائدہ اور اپوزیشن تباہ ہو جائے گی۔

میڈیا سے گفتگو کرتے ہوئے سینیٹر فیصل جاوید نے کہا کہ جب ووٹنگ ہوگی تو اپوزیشن کو لگ پتہ جائے گا، وزیر اعظم عمران خان تحریک عدم اعتماد میں کامیاب ہوں گے، وزیر اعظم استعفیٰ نہیں دے رہے، قوم کے ساتھ کھڑے ہیں۔

فیصل جاوید نے کہا کہ اپوزیشن نے جو سازش بنائی ہے اس کو ناکام بنائیں گے، دھمکی آمیز مراسلے میں تحریک عدم اعتماد کا ذکر ہے، لکھا گیا ہے کہ عمران خان کو ہٹا دیں تو سب کچھ معاف ہو جائے گا۔

انہوں نے کہا کہ مراسلے میں لکھا کہ عمران خان کو نہ ہٹایا تو مشکلات ہوں گی، ہماری آزاد خارجہ پالیسی ہے، پاکستان اپنے مفادات کو دیکھے گا، کچھ لوگ مل کر سازش کر رہے ہیں ہم اسے ناکام بنائیں گے۔

فیصل جاوید نے کہا کہ وزیر اعظم عمران خان نے بتایا ہے کہ مراسلے میں بہت اہم چیزیں ہیں، بیرونی سازش ہے ہم سب نے مل کر اس کو ناکام بنانا ہے، مراسلہ پاکستان کی آزاد خارجہ پالیسی پر حملہ ہے، ہم کسی بھی ملک کے ساتھ خراب تعلقات نہیں چاہتے۔

تحریک انصاف کے رہنما نے مزید کہا کہ ووٹنگ ڈے اہم ہے، اپوزیشن اپنے نمبر پورے نہیں کر سکے گی۔

Comments

یہ بھی پڑھیں