The news is by your side.

’قوم کہتی ہے عمران خان کال نہیں مسڈ کال بھی دیں گے تو ہم آجائیں گے‘

پی ٹی آئی رہنما اور سینیٹر فیصل جاوید نے کہا ہےکہ قوم نے عمران خان سے کہا ہے کہ آپ ہمیں کال نہیں مسڈ کال بھی دیں گے تو ہم آجائیں گے۔

سماجی رابطوں کی ویب سائٹ ٹوئٹر پر اپنے ایک ٹوئٹ میں پی ٹی آئی سینیٹر نے حکومتی اقدامات پر تنقید کرتے ہوئے کہا کہ ابھی تو عمران خان نے مسڈ کال بھی نہیں دی اور حکومت بوکھلاہٹ کا شکار ہے۔

فیصل جاوید کا کہنا تھا کہ اسلام آباد کو کنٹینرز لگا کر سیل کر رہے ہیں، لیکن یہ پرامن احتجاج کو نہیں روک سکتے، اب تبدیلی نہیں انقلاب آرہا ہے۔

 

اپنے ایک اور ٹوئٹ میں فیصل جاوید نے کہا کہ ڈالر آج ملکی تاریخ کی بلند ترین سطح پر پہنچ گیا، آئی ایم ایف معاہدے کے بعد بھی معیشت شدید مشکلات کا شکار ہے۔

پی ٹی آئی رہنما نے دعویٰ کیا کہ اب ڈالر کو نہیں اس حکومت کو گرانا ہوگا، ڈالر خودبخود گر جائیگا، اسمبلی تحلیل اور الیکشن کا اعلان کریں پھر دیکھیں کیسے معاشی اشاریے بہتر ہوتے ہیں۔

 

Comments

یہ بھی پڑھیں