اسلام آباد: پاکستان تحریک انصاف کے رہنما فیصل جاوید کا کہنا ہے کہ عوامی نمائندے تو خریدے جاسکتے ہیں مگر یہ عظیم قوم غلام نہیں اورنہ بکنے والی ہے۔
ان خیالات کا اظہار پی ٹی آئی رہنما اور سینیٹر فیصل جاوید نے اپنے ٹوئٹ میں کیا، انہوں نے کہا کہ آج انشااللہ تحریک انصاف کےامیدوار وزیر اعلیٰ پنجاب بنیں گے۔
فیصل جاوید نے کہا کہ عوامی نمائندے تو خریدےجاسکتے ہیں مگریہ عظیم قوم غلام نہیں اورنہ بکنے والی ہے، پاکستانی قوم کو خراج تحسین پیش کرتا ہوں۔
آج انشاء اللہ تحریک انصاف کے امیدوار وزیر اعلیٰ بنیں گے-مگر ہمیں پھر بھی نظام کی بہتری کےلیے گریٹ ڈبیٹ کی ضرورت ہے-عوام کے ووٹ ڈائریکٹ چیف ایگزیکٹو کا انتخاب کریں-کیونکہ عوامی نمائندے تو خریدے جا سکتے ہیں مگر یہ عظیم قوم غلام نہیں اور نہ بکنے والے ہیں-پاکستانی قوم کو خراج تحسین
— Faisal Javed Khan (@FaisalJavedKhan) July 22, 2022
اپنے ٹوئٹ میں پی ٹی آئی رہنما کا کہنا تھا کہ عوام کو براہ راست چیف ایگزیکٹو کے انتخاب کا حق ہونا چاہیئے، یہ نظام میں بہتری کے لئے ہے اسکے لئے ہمیں ایک صحت مندانہ بحث ومباحثہ کی ضرورت ہے۔
یہ بھی پڑھیں: پرویز الہٰی یا حمزہ شہباز، تخت لاہور پر کون بیٹھے گا؟ فیصلہ آج ہوگا
واضح رہے کہ سپریم کورٹ کے حکم پر وزیر اعلیٰ پنجاب کے فری اینڈ فیئر انتخاب کے لیے ووٹنگ آج جمعہ 22 جولائی کو ہوگی۔
وزیر اعلیٰ کے انتخاب کے لیے حکومتی اتحاد کے امیدوار حمزہ شہباز اور تحریک انصاف و اتحادی جماعت مسلم لیگ ق کے امیدوار پرویز الہٰی میں مقابلہ ہوگا۔
پنجاب اسمبلی کا اجلاس آج 4 بجے طلب کیا گیا ہے، ڈپٹی اسپیکر دوست محمد مزاری اجلاس کی صدارت کریں گے، ممبران اسمبلی شو آف ہینڈ کے ذریعے اپنا حق رائے دہی استعمال کریں گے۔