اسلام آباد: تحریک انصاف کے سینیٹر فیصل جاوید نے کہا ہے کہ مریم اورنگزیب کا شکرگزار ہوں جنہوں نے کل کی 9 سیکنڈ کی ویڈیو شیئر کر کے ساری کہانی خود ہی بیان کردی۔
تفصیلات کے مطابق مریم اورنگزیب کی جانب سےٹوئٹرپر گزشتہ روز کی ویڈیو شیئر کی گئی جس پر سینیٹر فیصل جاوید نے ردعمل دیتے ہوئے کہا کہ ’’مریم بی بی 9 سیکنڈ کی ویڈیو میں ساری داستان ہی سناگئیں‘‘۔
اُن کا کہنا تھا کہ ویڈیوپرتبصرے کی ضرورت نہیں کیونکہ سب کچھ عوام کے سامنے ہے، ویڈیو کو پوسٹ کرنے پر مریم بی بی کا شکرگزار ہوں، مبالغہ آرائی سے کام لوں تب بھی 500 سے زیادہ آدمی نہیں تھے۔
سینیٹر فیصل جاوید نے مشورہ دیا کہ مریم بی بی آپ جتنی دفعہ مرضی اسے پوسٹ کریں لوگوں کی تعداد بڑھنے والی نہیں ہے، جھوٹ بولنے کا یہ حربہ بھی ناکام ہوا، چنانچہ کوئی نئی اسکیم تیار کریں۔
A 9sec clip covering the entire story. Ths video in itself saying pretty much of it.Thx for posting it as it’s self explanatory.Countable ppl abt 500 & I am exaggerating for sure Doesnt matter how many times u post this-It won’t multiply. Now Get to ur next scheme of telling lies https://t.co/3pWpTvhDSs
— Faisal Javed Khan (@FaisalJavedKhan) May 8, 2019
یاد رہے کہ گزشتہ روز مسلم لیگ ن کی جانب سے نوازشریف کی کوٹ لکھ پت جیل منتقلی پر ریلی نکالی گئی تھی، مسلم لیگ کا دعویٰ تھا کہ ریلی میں ہزاروں کارکنان اور لوگ شامل ہوئے البتہ سرکاری اعداد و شمار میں بتایا گیا کہ 2500 سے زائد افراد شامل نہیں تھے۔
