تازہ ترین

لوڈشیڈنگ سے نجات کیلیے فیصل قریشی کا حکومت کو مفید مشورہ

پاکستانی فلموں اور ڈراموں کے اداکار فیصل قریشی نے ملک سے لوڈشیڈنگ کے ہمیشہ کے لیے خاتمے کے لیے موجودہ حکومت کو مفید مشورہ دیا ہے۔

فوٹو اینڈ ویڈیو شیئرنگ اپیلی کیشن انسٹا گرام پر فیصل قریشی نے ایک دوست کی تجویز پیش کرتے ہوئے لکھا کہ اگر حکومت ہر گھر کو 5 سے 10 کلو واٹ کا سولر سسٹم پانچ سال کی قسطوں پر لگا دے تو ملک سے لوڈشیڈنگ کا مسئلہ ہمیشہ کے لیے ختم ہو جائے گا۔

فیصل قریشی نے لکھا کہ تیل پر چلنے والے 50 بجلی گھر فوراً بند ہو جائیں گے جس سے اربوں ڈالرز کے تیل کی درآمد کا بل ہمیشہ کے لیے ختم ہو جائے گا اور اس سے معیشت بہتر ہوگی۔

اداکار نے مزید لکھا کہ اگر حکمراں اس پر غور کریں تو ہم اپنے ملک کے حالات بہت بہتر کر سکتے ہیں۔

فیصل قریشی نے لوڈشیڈنگ سے نجات کا طریقہ بتادیا

Comments

- Advertisement -