The news is by your side.

Advertisement

ایم کیوایم کے منظرعام سے غائب رہنما فیصل سبزواری کا دو ہفتے میں وطن آنے کا اعلان

کراچی: ایم کیو ایم کے رہنماء فیصل سبزواری جوکہ کراچی میں ایم کیو ایم کے مرکز پر چھاپے کے بعد سے منظرِ عام سے غائب تھے انہوں نے کہا ہے کہ کچھ ہی دنوں میں وطن لوٹ آٗئیں گے۔

سندھ کے سابق وزیر برائے امورِنوجوانان نے اپنے ٹویٹر پیغام میں کہا ہے کہ وہ اپنے طے شدہ منصوبوں کے مطابق دو ہفتوں میں وطن لوٹ آئیں گے

فیصل سبزواری کے متعلق میڈیا میں افواہات گردش کررہی تھیں کہ انہوں نے ایم کیو ایم کے قائد الطاف حسین نے اختلافات کی بنا پر پارٹی سے علیحدگی اختیار کرلی ہے، تاہم فیصلی کی جانب سے ایساکوئی اعلان نہیں کیا گیا۔

گزشتہ روز ایم کیو ایم کے قائد الطاف حسین نے کارکنان سے خطاب کرتے
ہوئے فروغ نسیم، فیصل سبزواری اور رؤف صدیقی کو دھوکے باز قرار دیا تھا۔

واضح رہے کہ مذکورہ بالا تینوں رہنماء اس وقت سے منظرِ عام پر موجود نہیں ہیں جب سے کراچی میں رینجرز نے انکی
جماعت میں چھپے دہشت گرد عناصر کے خلاف کاروائیوں کا آغاز کیا ہے۔

الطاف حسین نے یہ بھی کہا تھا کہ ’’اگر یہ ( تینوں لیڈر) ایم کیو ایم کے ساتھ روا مظالم اور جانبدارانہ رویے کے خلاف آواز نہیں اٹھا سکتے تو ان کے ہونے کا کوئی فائدہ نہیں ہے‘‘۔

Comments

comments

یہ بھی پڑھیں