کراچی : پاکستان تحریک انصاف کراچی کے رہنما فیصل واوڈا نے دعویٰ کیا ہے کہ ایم کیو ایم سربراہ ڈاکٹر فاروق ستار نے سینیٹ کی چار نشستیں فروخت کردی ہیں، عامر خان کو اس ڈیل کا پتہ چل گیا ہے۔
اس بات کا انکشاف انہوں نے اے آر وائی نیوز سے خصوصی گفتگو کرتے ہوئے کیا، فیصل واوڈا نے فاروق ستار پر سنگین الزامات عائد کرتے ہوئے نیا پنڈورا باکس کھول دیا۔
ان کا کہنا تھا کہ ایم کیو ایم پاکستان میں ہونے والا اختلاف سب محض ڈرامہ اور تماشہ ہے، سربراہ ایم کیو ایم نے سینیٹ کی سیٹوں کا جو سودا کیا ہے اس کا خریدار کوئی اورنہیں پیپلزپارٹی ہے، ایم کیوایم کی چار سیٹیں کوڑیوں کے دام پیپلزپارٹی کو ہی ملیں گی۔
انہوں نے کہا کہ ان سیٹوں کی فروخت کے بارے میں ڈیل کا علم رابطی کیمٹی کے رکن عامرخان کو بھی ہوگیا ہے اور یہ بھی ثابت ہوگیا ہے کہ تنظیم اور کارکنان عامرخان کے ساتھ کھڑے ہیں، پونے دو ماہ پہلے ہی کہہ دیا تھا کہ عامر خان ایم کیو ایم کو لیڈ کریں گے۔
اس بار متحدہ کو چار نشستین ملنا بہت مشکل بلکہ ناممکن ہے،ایم کیو ایم پاکستان نے بہت تیر مارا تو شاید فروغ نسیم سینیٹر بن جائیں، بیرسٹر فروغ نسیم اچھے آدمی ہیں ذاتی طور پر ان کو سپورٹ کروں گا۔
فیصل واوڈا نے انکشاف کیا کہ فاروق ستارکو نئے آئین میں ویٹو پاور حاصل ہے، انہوں نے وہ آئین چوری چھپے الیکشن کمیشن میں جمع بھی کرادیا ہے۔
مزید پڑھیں: موجودہ حکومت پنجاب کی ایم کیو ایم ہے، فیصل واوڈا
خبر کے بارے میں اپنی رائے کا اظہار کمنٹس میں کریں‘ مذکورہ معلومات کو زیادہ سے زیادہ لوگوں تک پہچانے کے لیے سوشل میڈیا پرشیئر کریں۔
