اسلام آباد : سابق سینیٹر فیصل واوڈا نے ڈالر کی قیمت گرنے کا کریڈٹ سپہ سالار کو دیتے ہوئے کہا آرمی چیف نے مسائل کو حل کرنے کیلئے اقدامات کیے ہیں۔
تفصیلات کے مطابق سابق سینیٹر فیصل واوڈا نے اے آر وائی نیوز کے پروگرام الیونتھ آور میں گفتگو کرتے ہوئے کہا کہ ڈالرکی قیمت جو گری ہے اس کا کریڈٹ سپہ سالار کو جاتا ہے، آرمی چیف نے مسائل کو حل کرنے کیلئے اقدامات کیے ہیں۔
فیصل واوڈا کا کہنا تھا کہ آرمی چیف نےاپنےوژن کےمطابق ڈی جی آئی ایس آئی کوڈائریکشن دی، ڈی جی آئی ایس آئی کی کمانڈمیں عملدرآمدکامنصوبہ پلان کیاگیا اور بہترین اندازمیں ڈی جی سی نےاس پرعملدرآمدکرایا۔
سابق سینیٹر نے کہا کہ ایسے اقدامات سے 48 گھنٹے میں ڈالر کی قیمت 20،25 روپے نیچے آگئے، ڈالر 20 سے 25 روپےنیچے آنے سے پاکستان کواربوں کا فائدہ ہوا ہے۔
آٹے اور چینی کے حوالے سے ان کا کہنا تھا کہ آٹے اور چینی کی اسمگلنگ کیخلاف ایف سی نے بھرپور کارروائی کی، سندھ میں اسمگلنگ کیخلاف ڈی جی رینجرز نے کریک ڈاؤن کیا، سیاسی مداخلت نہیں اسی لیے بہترین کریک ڈاؤن کیے گئے اور جہاں سیاسی مداخلت ہوگی وہاں کریک ڈاؤن کا کوئی فائدہ نہیں ہوگا۔
سیاسی جماعتوں پر تنقید کرتے ہوئے فیصل واوڈا نے مزید کہا کہ سیاسی جماعتوں کا جنازہ لے کر چلیں گے تو وہاں تباہی ہی ہے، نگراں وفاقی حکومت میں 80 فیصد لوگ صاف دامن والے ہیں، ایسےصاف دامن لوگوں کےگھروں میں رشتےمانگے جاتےہیں۔
فرح خان سے متعلق انھوں نے انکشاف کیا کہ چیئرمین پی ٹی آئی دور میں ہی فرح خان کو4پاسپورٹ دیئےگئے، فرح خان کو4پاسپورٹ پرایف آئی اےکی مہریں بھی لگی ہوئی ہیں۔
