سینیٹر فیصل واوڈا کا کہنا ہے کہ فیض حمید نے بانی کے خلاف شواہد ہی نہیں ڈیوائسز بھی دی ہیں۔
اے آر وائی نیوز کے پروگرام ’خبر‘ میں گفتگو کرتے ہوئے سینیٹر فیصل واوڈا نے کہا کہ بانی پی ٹی آئی کے خلاف شواہد، ثبوت اور ڈیوائسز بھی فیض حمید نے دے دی ہیں۔
انہوں نے کہا کہ بانی اور ان کے حواریوں کے لیے مشکلات بڑھنے والی ہیں۔
فیصل واوڈا نے کہا کہ پی ٹی آئی کی جانب سے ایک نئی سوشل میڈیا مہم چلائی جائے گی جس میں شام کے قیدیوں کی فوٹیج دکھا کر پاکستان کا ذکر کیا جائے گا۔
انہوں نے کہا کہ فیض حمید کے ٹرائل کے بعد سول نافرمانی کی کال سے بھی ہوا نکل گئی ہے، فیض حمید کا ٹرائل نہیں ہوتا تو پھر بانی پی ٹی آئی، بیگم اور حواریوں کو مشکلات نہ ہوتی۔
فیصل واوڈا نے کہا کہ بانی پی ٹی آئی کا ملٹری ٹرائل ہوتا ہے تومیرے لیے حیران نہیں ہوگا، فیض حمید سے مزید گناہوں کے خلاف تحقیقات ابھی جاری ہیں۔
سینیٹر نے کہا کہ حکومت کو چاہیے کہ بات چیت کرے اور پی ٹی آئی ہاتھ پکڑے، حکومت کے سربراہ نواز شریف ہیں وہ کسی قسم کا بیان نہیں دے رہے، عمران خان کی اچھی سوچ ہے وہ اب بات کرنے کا کہہ رہے ہیں۔
