سینیٹر فیصل واوڈا کا کہنا کہ بھارت آؤ پھر تمہارے جھنڈے کو جوتے سے رگڑ کر پاکستان کا جھنڈا گاڑوں گا۔
اے آر وائی نیوز کے مطابق سینیٹر فیصل واوڈا نے کہا کہ بھارت تمہیں یاد ہے جب تمہارا جھنڈا میرے جوتے کے نیچے تھا، میں نے اپنی فوج کے ساتھ مل کر پاکستان کا جھنڈا گاڑا تھا۔
انہوں نے کہا کہ ابھی نندن تمہارا جہاز گرا کر مونچھیں موڑ کر تھپڑ لگائے تھے۔
فیصل واوڈا نے کہا کہ اگر تم پاکستان کو میلی آنک سے دیکھا، یاد دہانی کے لیے بتا رہا ہوں۔
سینیٹر واوڈا کا کہنا تھا کہ ہمارے پاس قابل آرمی چیف ہیں، جو ملک کا دفاع کرنے کی صلاحیت رکھتے ہیں۔
گزشتہ روز پروگرام ’اعتراض ہے‘ میں گفتگو کرتے ہوئے فیصل واوڈا کا کہنا تھا کہ بھارت نے پانی بند کرنے کی کوشش کی تو پہلا اسٹرائیک ہم کریں گے اور پانی کوروکا تو سب سے پہلے خون کی ہولی ہم کھیلیں گے۔
فیصل واوڈا نے کہا تھا کہ بھارت پانی بندکرنےکاسوچےبھی نہ ورنہ ہم وہاں آکرجواب دیں گے، ابھی نندن کوجس طرح چائےپلاکربھیجااس سےزیادہ بھی کر سکتے ہیں۔
ان کا کہنا تھا کہ ہم ہر چیز کیلئے تیار ہیں، پاکستان اوربھارت کی جنگ ہوئی تواس سے پوری دنیا متاثر ہوگی۔
سینیٹر واوڈا کا کہنا تھا کہ دوست ممالک ہمارے ساتھ کھڑے ہیں اور یہ بھارت بھی جانتا ہے، پاکستان کی تمام جماعتیں اس وقت متحدہیں قوم فوج کیساتھ کھڑی ہے، جنگ ہم پرمسلط کی گئی تو پھر بھارت کی نسلیں یاد رکھیں گی۔
سابق وزیر کا کہنا تھا کہ بھارت سمجھ رہا تھا میڈیا ہائپ بنا کر پاکستان کو خاموش کرادیگا یہ ان کے گلے پڑگیا، بھارت نےپانی روکاتوانہیں معلوم ہے کہ پاکستان خاموش نہیں بیٹھے گا ، وزیرخارجہ کوچاہیےعالمی سطح پر دورے کریں اور پاکستان کے مؤقف سے آگاہ کریں۔
