اسلام آباد: وفاقی وزیر فیصل واوڈا نے این آر او کے لیے موصول ہونے والی درخواستوں کی تصدیق کر دی.
تفصیلات کے مطابق وفاقی وزیر برائے آبی وسائل فیصل واوڈا نے کہا ہے کہ این آر او کی کئی باضابطہ درخواستیں آئی ہیں، ایک دوست ملک کو بھی شامل کیا گیا۔
انھوں نے مزید کہا کہ میں یہ نہیں کہتا ہے کہ وفاقی کابینہ میں یہ باتیں ہوئیں، میں حکومت کاحصہ ہوں، چیزیں سامنے سے گزرتی ہیں.
وفاقی وزیر نے کہا کہ ن لیگ اورپیپلزپارٹی نے ایک جیسےکام کیے ہیں، ان کے کالے کرتوت ان کے سامنے آرہے ہیں.
مزید پڑھیں: دھرنا دیں شور کرلیں، این آر او نہیں ہوگا، کرپشن کے خاتمے کے لیے اگلے ہفتے قانون لا رہے ہیں، وزیرِ اعظم
فیصل واوڈا کے مطابق انھوں نے پہلے ہی کہہ دیا تھا کہ اے پی سی میں نوازشریف نہیں جائیں گے، کہنے کے لیے بہت باتیں ہیں، دل کرتا ہے سب بتا دوں.
وفاقی وزیر نے کہا کہ موجودہ اپوزیشن تاریخ کی سب سے کمزوراپوزیشن ہے، پاکستان کابچہ بچہ اپوزیشن کی ساکھ جانتا ہے.
چوہدری منظور اور شیخ رشید کا موقف
آف دی ریکارڈ ہی میں پاکستان پیپلزپارٹی کے سینئر رہنما چوہدری منظور نے کہا کہ خان صاحب نے کہا ہے قطر کے وزیرخارجہ نے این آراو کے لئے بات کی.
ان کا کہنا تھا کہ اب یہ نہیں پتا کہ این آراو کے لئے کس نےدرخواست دی تھی۔
وفاقی وزیر ریلوے شیخ رشید نے بھی آج اپنے ایک بیان میں کہا کہ نوازشریف شدید ڈپریشن کاشکار ہیں اور شہباز شریف این آراوکی سرتوڑکوششوں میں مصروف ہیں.
