فیصل آباد : بیس سالہ نوجوان پانچ کلو مٹھائی جیتنے کے لیے جان کی بازی ہار گیا، نوجوان نے وزنی درخت اٹھانے کی کوشش کی تھی جو اس پر ہی آگرا۔
تفصیلات کے مطابق فیصل آباد کے علاقے مامون کانجن میں ایک دلخراش واقعہ پیش آیا جہاں چند دوستوں نے مل کر ایک شرط لگائی کہ جو اس 70کلو وزنی درخت کو اٹھائے گا اسے پانچ کلو مٹھائی دی جائے گی جس پر 20سالہ نوجوان منیر نے ہامی بھرلی۔
منیر نے جیسے ہی اس درخت کو اٹھانے کوشش کی اسی دوران جسم کا توازن درست نہ ہونے پر وہ درخت نوجوان کی گردن پر گر گیا۔
انتہائی وزنی درخت کے گرنے سے اس کی گردن کی ہڈی ٹوٹ گئی اور جائے وقوعہ پر ہی شرط جیتنے کے بجائے جان بازی ہار گیا۔
