کراچی : وفاقی وزیر ریلوے وہوا بازی خواجہ سعد رفیق کے فیصل آباد ایئر پورٹ پر اجلاس کی اندورنی کہانی سامنے آگئی۔
اس حوالے سے ذرائع کا کہنا ہے کہ وفاقی وزیر سعد رفیق کو فیصل آباد ایئر پورٹ کے دورے کے موقع پر مستقبل کے حوالے سے اہم پروجیکٹس پر بریفنگ دی گئی۔
اس موقع پر وفاقی وزیر نے فیصل آباد ائیرپورٹ کے مرکزی رن وے کی تعمیرنو کی تاخیر پر سی اے اے افسران سے باز پرس کی۔
انہوں نے ائیرپورٹ کے مرکزی رن وے کی تعمیر نو کو رواں سال اکتوبر تک ہر صورت مکمل کر نے کی ہدایت جاری کردی۔
ائیر پورٹ مینجر نے بریفنگ میں بتایا گیا کہ ساڑھے تین ارب روپے کی لاگت سے تعمیر ہو نے والے مرکزی رن وے کا61 فیصد مکمل ہوچکا ہے۔
خواجہ سعد رفیق نے کہا کہ فیصل آباد ائیرپورٹ کو موٹر وے سے لنک کرنے کے لئے پلاننگ شروع کردی گئی ہے جتنا عرصہ ہم اس حکومت کا حصہ ہیں اتنی ہی تیزی سے کام کی تکمیل چاہتے ہیں۔
وفاقی وزیر نے سول ایوی ایشن کو ہدایت دی کہ فیصل آباد کے لئے مزید پروازوں میں اضافہ کیا جائے, اے ایس ایف حکام کی جانب سے بھی وفاقی وزیر کو بریفنگ دی گئی۔
