جہاز میں چھپ کر دبئی جانے کی کوشش میں نوجوان ایئرپورٹ میں گھس گیا۔
پولیس کے مطابق فیصل آباد میں 17سالہ لڑکا ایئرپورٹ کے ایئرسائیڈ ممنوعہ علاقےمیں داخل ہوا جو جہاز میں چھپ کر بیرون ملک جانے کی کوشش کر رہا تھا۔
سلانوالی کا رہائشی رمضان الحسن باڑ پھلانگ لگا کر اندر آیا تو اے ایس ایف عملے نے نوجوان کو پکڑ لیا۔
پولیس کا کہنا ہے کہ نوجوان رمضان الحسن کے پاس دبئی جانے کیلئے وسائل نہیں تھے اور وہ جہاز میں سوار ہو کر یا پہیوں میں چھپ کر دبئی جانا چاہتا تھا۔
نوجوان چک 241 کی طرف سے گھسا جہاں دیوار یا باڑ نہیں تھی۔ اےایس ایف نے نوجوان کو قانونی کارروائی کیلئے ٹھیکری والا پولیس کے حوالےکر دیا۔
