فیصل آباد : پانی نہ پلانے پر سفاک بھائی نے بہن کو قتل کر ڈالا اور موقع سے فرار ہوگیا۔
تفصیلات کے مطابق فیصل آباد میں انتہائی افسوسناک واقعہ سامنے آیا ، جہاں بھائی والا میں بھائی نے پانی نہ پلانے پر بہن کو قتل کردیا.
پولیس کا کہنا تھا کہ حسنین نےچھوٹی بہن ثناکو پانی پلانے کا کہا تھا اور تلخ کلامی کےبعد حسنین فائرنگ کر کے فرار ہوگیا۔
یاد رہے لاہور میں شادی سے 3 دن پہلے غیرت کے نام پر بہن کو تشدد سے قتل کرنے والے کو گرفتار کر لیا گیا تھا۔
نشتر کالونی کے رہائشی ملزم نعیم نے شک کی بنیاد پر بہن کو قتل کیا تھا، واقعے کے تین روز بعد بہن کی شادی تھی۔
