فیصل آباد : حوالات میں تین بھائیوں کے قتل واقعے میں قصور وار ثابت ہونے پر آٹھ پولیس افسران و اہلکاروں کو معطل کردیا گیا۔
تفصیلات کے مطابق فیصل آباد کے تھانہ صدرتاندلیانوالہ کے حوالات میں تین بھائیوں کے قتل کی تحقیقات جاری ہے، آر پی او نے قصور وار ثابت ہونے پر آٹھ افسران اور اہلکاروں کو معطل کردیا۔
جن اہلکاروں کو معطل کیا گیا ان میں سابق ایس ایچ اوتھانہ سٹی انسپکٹربشارت علی، انسپکٹرعمران سرور، سب انسپکٹرپرویزخالد، سب انسپکٹرمبشر حسین شامل ہیں ۔،محررنعیم حسن محررنعمان علی، ہیڈ کانسٹیبل ریاض احمد اور کانسٹیبل محمد عثمان شامل ہیں۔
یاد رہے فیصل آباد میں حملہ آوروں نے تھانہ صدر تاندلیانوالہ میں گھس کر حوالات میں بند تین بھائیوں قتل کر دیا تھا جبکہ مقتولین کا کزن آصف زخمی ہوا تھا۔
پولیس حکام کا کہنا تھا کہ دوہرے قتل کا بدلہ لینے کے لئے کھرل برادری کے ایک درجن سے زائد مسلح افراد اتوار اور سوموار کی درمیانی رات سوا تین بجے عمارت کے عقب سے سیڑھیاں لگا کر تھانہ صدر میں داخل ہوئے، تھانے میں ڈیوٹی پر چار پولیس اہلکار موجود تھے جو اپنے کمروں میں سو رہے تھے۔
حملہ آور کھرل برادری نے حوالات میں بند ملزمان پر اندھادھند فائرنگ کی جس سے بلال ، عثمان اور ناصر جاں بحق ہوئے اور ۔ حملہ آور تہرے قتل کے بعد فرار ہو گئے تھے۔
