فیصل آباد: ملت ٹاؤن میں ڈکیتی کے دوران شہری کے قتل کا ڈراپ سین ہوگیا، مقتول کی بیوی ہی اپنے شوہر کی قاتل نکلی۔
اے آر وائی نیوز کے مطابق فیصل آباد میں تھانہ ملت ٹاون کے علاقے میں ایک شخص کے قتل کو ڈکیتی کا رنگ دینے والی بیوی اور اس کے آشنا کو پولیس نے گرفتار کرلیا۔
ملت ٹاؤن پولیس کا کہنا ہے کہ دوران تفتیش پتا چلا کہ مقتول شہزاد کی بیوی ہی اس کی قاتل ہے، مقتول شہزاد کو بیوی نے آشنا کیساتھ ملکر قتل کرایا۔
پولیس کا بتانا ہے کہ اہلکار نے مقتول کی ملزمہ بیوی اس کے ساتھی محمد شہزاد کو گرفتار کر لیا ہے۔
