فیصل آباد: سی پی او فیصل آباد نے بے گناہ شہری کو ڈکیتی کے مقدمے میں ملوث کرنے اور غلط دفعات شامل کرنے پر ایس ایچ او سول لائنز ، سب انسپکٹر اور چار ڈولفن اہلکار معطل کر دیئے۔
پولیس کے مطابق سی پی او فیصل آباد نے بے گناہ شہری کو ڈکیتی کے مقدمے میں ملوث کرنے اور غلط دفعات شامل کرنے پر ایس ایچ او سول لائن سمیت 6 پولیس اہلکار کو معطل کردیا گیا۔
سی پئ او فیصل آباد نے بتایا کہ ایس ایچ او تھانہ سول لائنز ارشد قدیر، سب انسپکٹر اسلم اور ڈولفن اہلکاروں چراغ، ضیا، بابر اور مبشر نے اختیارات کا غلط استعمال کرتے ہوئے اقدام قتل کیس میں زخمی ہونے والے شہری کے بیٹے کو ڈکیتی کے مقدمے میں ملوث کر دیا تھا جبکہ ایس ایچ او نے مقدمے میں غلط دفعات بھی شامل کیں۔
سی پی او کامران عادل نے شہری کی درخواست پر معاملے کی انکوائری کے احکامات دیئے تھے، ڈی ایس پی سول لائنز عامر وحید کی انکوائری رپورٹ میں پولیس اہلکاروں کو قصوروار ٹھہرایا گیا جس پر سی پی او نے ایس ایچ او، سب انسپکٹر اور چار ڈولفن اہلکاروں کو معطل کر دیا۔
