راولپنڈی میں دکاندار نے فائرنگ کر کے ڈاکو کو مار ڈالا جس کی سی سی ٹی وی فوٹیج اےآروائی نیوز کو موصول ہوگئی۔
تفصیلات کے مطابق راولپنڈی کے علاقے افشاں کالونی میں دکاندار نے فائرنگ کر کے ڈاکو کو قتل کردیا واقعے کی سی سی ٹی وی فوٹیج اےآروائی نیوز نے حاصل کرلی۔
فوٹیج میں دو نقاب پوش ڈاکوؤں کو بزورِ اسلحہ دکان میں واردات کرتے دیکھا جاسکتا ہے، ڈاکو واردات کر کے جانے لگے تو عاقب نامی دکاندار نے اُن کے پیچھے جاکر فائرنگ کردی جس سے ایک ڈاکو ہلاک ہوگیا اور دوسرا ڈاکو موقع سے فرار ہوگیا۔
- Advertisement -
پولیس کے مطابق ڈاکوؤں نے دکاندار سے چالیس ہزار روپے اور موبائل فون لوٹے تھے، ہلاک ہونے والے ڈاکو کی لاش اسپتال منتقل کردی گئی ہے۔
