اسلام آباد : پی ٹی آئی کی جانب سے موجودہ حکومت کیخلاف نکالے جانے والے حقیقی آزادی مارچ میں نہ صرف جوانوں بلکہ بڑی عمر افراد اور بچوں نے بھی بڑھ چڑھ کر حصہ لیا۔
اسلام آباد میں عمران خان کی زیر قیادت آنے والے بہت بڑے قافلے کے استقبال کیلیے اسلام آباد کی خواتین بھی گھروں سے نکل آئیں اور اپنے قائد کے انتظار میں بیٹھی رہیں۔
اس موقع پر پی ٹی آئی کی خاتون رہنما عالیہ حمزہ اور دیگر خواتین کارکنان بھی موجود تھیں، ایسے میں وہاں موجود ایک ضعیف خاتون نے فیض احمد فیض کی نظم پڑھ کر کارکنان کو حوصلہ دیا۔
ضعیف خاتون نے فیض احمد فیض کی نظم ” لازم ہے کہ ہم بھی دیکھیں گے” پڑھی تو دیگر خواتین نے بھی ان کا ساتھ دیا اور ساتھ ساتھ گنگنانے لگیں۔
اے آر وائی نیوز سے گفتگو کرتے ہوئے خاتون نے جذباتی انداز میں کہا کہ میں اب اس عمر تک پہنچ گئی ہوں لیکن میں عمران خان کو کامیاب دیکھ کر جاؤں گی۔
