پاکستان شوبز انڈسٹری کی معروف اداکار و میزبان فیضان شیخ اور ان کی اہلیہ و اداکارہ ماہم عامر کے ہاں جلد ننھے مہمان کی آمد متوقع ہے۔
اداکار فیضان شیخ نے اپنے مداحوں کو یہ خوشخبری فوٹو اور ویڈیو شیئرنگ ایپ انسٹاگرام پر دی، انہوں نے اپنے اکاؤنٹ پر اہلیہ کے ہمراہ چند تصاویر شیئر کیں۔
View this post on Instagram
فیضان نے اپنی پوسٹ میں لکھا کہ ’ہم نے ہمیشہ اپنے کام، کامیابیوں، مسائل اور تقریباً ہر چیز کو اپنے خاندان، دوستوں اور مداحوں کے ساتھ شیئر کیا اور اس پر تبادلہ خیال کیا ہے۔‘
انہوں نے کہا کہ ’یہاں ہمیں یہ اعلان کرتے ہوئے بہت خوشی ہورہی ہے کہ ہم بہت جلد اپنی خوشی کے ساتھ مل جائیں گے یعنی ہماری فیملی بڑی ہونے والی ہے۔‘
اداکار نے کہا کہ ’خوشیاں بانٹنے سے خوشی میں اضافہ ہوتا ہے اور ہمیشہ کی طرح ہم آپ کی غیرمشروط محبت، تعاون اور سب سے زیادہ آپ کی قیمتی اور ان گنت دعاؤں کے خواہاں ہیں جو ہمارے آنے والے خاندان کے نئے رکن کے لیے ہیں۔
فیضان شیخ نے مزید لکھا کہ ’ہمارا ننھا مہمان بہت جلد آنے والا ہے۔‘
