The news is by your side.

Advertisement

جعلی ڈگری : پی آئی اے کے چار کپتانوں سمیت پچاس فضائی میزبان ملازمت سے برطرف

کراچی : پی آئی اے انتظامیہ نے جعلی ڈگریوں کے حامل چار کپتانوں سمیت50سے زائد فضائی میزبانوں کو ملازمت سے برطرف کردیا، درجن سے زائد کپتانوں کے لائسنس بھی منسوخ کردیئے گئے۔

تفصیلات کے مطابق سپریم کورٹ کی ہدایت پر پی آئی اے انتظامیہ کی جعلی ڈگریوں کے حامل پائلٹوں اور کیبن کریو کے خلاف کارروائی ، چارکپتانوں کو جعلی ڈگری کی بنیاد پر ملازمتوں سے فارغ کردیاگیا ہے ۔

جن میں دو 777 ایک ایئربس اے 320 اور ایک اے ٹی آر طیارے کا کپتان شامل ہے ۔ پچاس کیبن کروز جن میں مرد اور خواتین شامل ہیں، انہیں بھی ملازمت سے فارغ کیا گیا ہے ۔

پی آئی اے ترجمان کے مطابق جعلی ڈگریوں کے حامل ملازمین کے خلاف کارروائی عمل میں لائی جارہی ہے، دوسری جانب سول ایوی ایشن اتھارٹی نے بھی ایسے تمام پائلٹس جن کی ڈگریاں جعلی ہیں ان کے لائسنس فوری طور پر معطل کرنے کے احکامات جاری کردیئے گئے ہیں۔

ڈی جی سول ایوی ایشن اتھارٹی حسن بیگ نے احکامات جاری کرتے ہوئے کہا ہے کہ ایسے تمام کیبن کریو جن کے سرٹیفکیٹ جعلی ہیں ان کے لائسنس معطل کردیئے جائیں۔

سول ایوی ایشن اتھارٹی ترجمان کے مطابق ایک درجن سے زائد لائسنس معطل کیے گئے ہیں، اور یہ بھی احکامات جاری کیے گئے ہیں جن پائلٹس نے اپنی ڈگریاں سی اے اے میں جمع نہیں کرائیں، لائسنس معطل کیے جائیں، ڈی جی کی ہدایت پر جن کیبن کریو نے اپنی ان کے لائسنس بھی معطل کردیے گئے۔

دوسری جانب ایئرٹرانسپورٹ پائلٹ لائسنس (اے ٹی پی ایل) اور کمرشل پائلٹ لائسنس حاصل کرنے والے کپتانوں کی بھی جانچ کا عمل شروع کردیا گیا ہے، سول ایوی ایشن اتھارٹی ایسے کپتانوں کی بھی تحقیقات کررہی ہے جنہوں نے بغیر امتحان دیے لائسنس حاصل کیے ہیں۔

Comments

comments

یہ بھی پڑھیں