کراچی: صوبہ سندھ سے غیر ملکی افراد بھی تعلیمی سرٹیفکیٹ حاصل کرنے لگے، صوبائی وزیر اسماعیل راہو نے معاملے کا سخت نوٹس لیتے ہوئے سیکریٹری جامعات و بورڈ کو تحقیقات کا حکم دے دیا۔
تفصیلات کے مطابق صوبہ سندھ سے غیر ملکی افراد کے تعلیمی سرٹیفکیٹ حاصل کرنے کا انکشاف ہوا ہے، صوبائی وزیر تعلیمی بورڈ اسماعیل راہو نے معاملے کا سخت نوٹس لے لیا۔
اسماعیل راہو نے سیکریٹری جامعات و بورڈ کو تحقیقات کا حکم دے دیا ہے۔
اسماعیل راہو کا کہنا تھا کہ معاملے کی تحقیقات کر کے ایک ہفتے میں رپورٹ دی جائے، حقائق پر مبنی مفصل رپورٹ پیش کی جائے۔
انہوں نے کہا کہ امتحانات میں بٹھانے والے افراد کے خلاف کارروائی کی جائے گی اور ملوث افسران کے خلاف کارروائی کر کے ان کو معطل کیا جائے گا۔
