راولپنڈی : غیر قانونی طور پر آئی ایس پی آر کا نام استعمال کرنے پر آئی ایس پی آر کی جانب سے سائبر الرٹ جاری کردیا گیا ہے، جس میں کہا گیا ہے کہ میل کو کھولنے کے بجائے ڈیلیٹ کردیا جائے۔
تفصیلات کے مطابق پاک فوج کے شعبہ تعلقات عامہ آئی ایس پی آر نے اعلامیہ جاری کیا ہے جس میں کہا گیا ہے کہ آئی ایس پی آرکا نام استعمال کرکے ایک ای میل بھیجی جارہی ہے [email protected] سے آنے والی ای میل کا آئی ایس پی آر سے کوئی تعلق نہیں ہے۔
،ترجمان آئی ایس پی آر کا کہنا ہے کہ ایسی ای میل کو کھولنے کےبجائے اسے فوری طور پر ڈیلیٹ کردیا جائے مذکورہ ای میل کھولنے سے آپ کے کمپیوٹر یا موبائل میں وائرس آجاتا ہے، یاد رہے کہ غلطی سے بھی ای میل کھلنے پرظاہر ہونے والے لنک پر کلک نہ کیاجائے۔
، ترجمان آئی ایس پی آر نے وضاحت کی ہے کہ ispr.gov.pkکےعلاوہ آئی ایس پی آرکی کوئی دوسری ویب سائٹ نہیں ہے لہٰذاواضح کیا جاتاہے کہ ایسی ای میل جعلی ہے۔
خبر کے بارے میں اپنی رائے کا اظہار کمنٹس میں کریں‘مذکورہ معلومات کو زیادہ سے زیادہ لوگوں تک پہچانے کے لیے سوشل میڈیا پر شیئر کریں۔
