The news is by your side.

Advertisement

جعلی ڈاکٹر مریضہ کو لوٹ کر بھاگ گئی

لاہور: پنجاب کے دارالحکومت میں واقع جنرل اسپتال میں ایک نامعلوم خاتون نے ڈاکٹر کا روپ دھار کر مریضہ کو قیمتی زیورات اور نقدی سے محروم کردیا۔

اے آر وائی نیوز کی رپورٹ کے مطابق لاہور جنرل اسپتال میں بدھ کے روز نامعلوم خاتون ڈاکٹر کا یونی فارم پہن کر وارڈ میں داخل ہوئی اور اُس نے مریضہ کے ساتھ موجود لڑکی کو وارڈ سے باہر جانے کی ہدایت کی۔

مریضہ کے ساتھ موجود لڑکی وارڈ سے باہر گئی پھرجب واپس آئی تو دیکھا مریضہ کے پاس رکھی جیولری اور نقد رقم موجود نہیں ہے۔

مریضہ کے عزیز و اقارب واقعے کے بعد اسپتال پہنچے جہاں انہوں نے لوٹنے والی خاتون کے بارے میں انتظامیہ کو آگاہ کیا تو معلوم ہوا ایسے حلیے کی کوئی بھی خاتون اسپتال کی ملازم نہیں اور نہ ہی کوئی ڈاکٹر ہے۔

اہل خانہ نے کوٹ لکھ پت پولیس اسٹیشن میں واقعے کا مقدمہ درج کرایا اور بتایا کہ جعلی خاتون ڈاکٹر نے دوائی کھلانے کا کہہ کر بچی کو کمرے سے باہر نکال دیا تھا۔

fb-share-icon0
Tweet 20

Comments

comments

یہ بھی پڑھیں