کراچی : ایف آئی اے کارپوریٹ کرائم سرکل نے مشتبہ پائلٹس لائسنس اجرا اسکینڈل میں پائلٹ اور سی اےاے کے 2افسران کو گرفتار کرلیا۔
تفصیلات کے مطابق مشتبہ پائلٹس لائسنس اجراسےمتعلق ایف آئی اے تحقیقات میں بڑی پیشرفت سامنے آئی ، کارپوریٹ کرائم سرکل نے ایک پائلٹ اورسی اےاے کے 2افسران کو گرفتار کرلیا۔
تحقیقات میں درج ایک اور مقدمے میں گرفتارملزمان کے علاوہ 29افراد نامزد ہیں ، ملزمان میں پائلٹ ملک عابد،سینئرجوائنٹ لائسنسنگ برانچ ڈائریکٹرفیصل انصاری شامل ہیں جبکہ تیسرا ملزم سی اےاےلائسنسنگ برانچ کا سینئرسپرنٹنڈنٹ عبدالرئیس ہے۔
قواعد کی خلاف ورزی پر مبنی لائسنس حاصل کرنےوالے 25پائلٹس بھی شامل ہیں ، سی اےاےکےملوث افسران واہلکاروں نےمبینہ رشوت کےعوض معاونت کی۔
ایف آئی اےتحقیقات عدالتی احکامات پرقائم بورڈآف انکوائری کی رپورٹ پرجاری ہیں، ایڈیشنل ڈائریکٹرعمران احمد نے کہا اسکینڈل تحقیقات میں پہلی بارایک پائلٹ کوگرفتارکیاگیا، مقدمےمیں درج پائلٹس کےنام ای سی ایل میں شامل کردئیےہیں۔
