اسلام آباد : نااہل وزیراعظم نواز شریف جعلی نمبرپلیٹ کی گاڑیوں میں سفرکرنے لگے، مریم صفدر کی بی ایم ڈبلیو کے بعد نوازشریف کی مرسڈیزکی نمبر پلیٹ بھی جعلی نکلی، مذکورہ کارکے نمبر پر بھی موٹرسائیکل رجسٹرڈ ہے۔
تفصیلات کے مطابق عدالتی حکم پر نااہل ہونے والے سابق وزیراعظم نوازشریف آج چھانگلہ گلی سے اسلام آباد آئے اور انہوں نے پنجاب ہاؤس میں قیام کیا۔
مری سے اسلام آباد آتے ہوئے انہوں نے جس سفید رنگ کی مرسڈیز میں سفرکیا اس گاڑی کا نمبر وی این 337 ہے، اس کی نمبر پلیٹ جعلی تھی۔
جب اس گاڑی کے حوالے سے محکمہ ایکسائز کی ویب سائٹ سے معلومات حاصل کی گئیں تو انکشاف ہوا کہ مذکورہ نمبر ایک موٹر سائیکل کے طور پررجسٹرڈ ہے۔
ہیرو موٹر سائیکل آر ایف70موٹر سائیکل سال2010میں رجسٹرڈ کی گئی تھی۔ یہ موٹر سائیکل مقصود عالم ولد محمد خان کے نام پر رجسٹرڈ ہے۔
مزید پڑھیں: مریم نوازکی بی ایم ڈبلیو موٹر سائیکل کے نام پر رجسٹرڈ
یاد رہے کہ اس سے قبل نواز شریف کی صاحبزادی مریم نواز کے زیر استعمال گاڑی کا نمبر بھی جعلی نکلا تھا، جے آئی ٹی کے سامنے پیشی کے موقع پر مریم صفدر جس گاڑی میں سوار ہوکر جوڈیشل کمپلیکس آئیں تھی اس کا نمبر بھی کسی موٹر سائیکل کے طورپر رجسٹرڈ تھا۔
