کراچی : پولیس نے جمشید کوارٹرز کے علاقے میں نادرا کے جعلی دفتر پر کامیاب چھاپہ مارا، جعلی شناختی کارڈ بنانے والے گروہ کے کارندے کو گرفتارکرلیا۔
تفصیلات کے مطابق کراچی میں نادرا کے جعلی دفترکا انکشاف ہوا ہے، پولیس خفیہ اطلاع پر کارروائی کرتے ہوئے جمشید کوارٹرز بلوچ پاڑہ میں چھاپہ مارا۔
اس حوالے سے پولیس حکام کا کہنا ہے کہ جعلی دفتر پر چھاپے کے دوران بڑی تعداد میں جعلی شناختی کارڈ برآمد ہوئے ہیں، اس موقع پر دفتر میں موجود برطرف پولیس اہلکارکو گرفتار کرلیا گیا۔
- Advertisement -
پولیس ذرائع کے مطابق چھاپے کے دوران مختلف ڈپٹی کمشنرز کی متعدد جعلی مہریں بھی ضبط کرلی گئیں, مذکورہ دفترمیں مختلف قسم کی مشینری بھی موجود تھی۔
