سرائے عالمگیر: ضلع گجرات کے شہر سرائے عالم گیر میں بچیوں کو زیادتی کا نشانہ بنانے والے جعلی پیر کو پولیس نے گرفتار کر لیا۔
تفصیلات کے مطابق سرائے عالم گیر میں کم سِن بچیوں کو زیادتی کا نشانہ بنانے والا جعلی پیر دھر لیا گیا، ملزم زیادتی کا شکار بچیوں کو قتل کی دھمکیاں بھی دیتا تھا۔
[bs-quote quote=”ملزم بچیوں کو دھمکاتا تھا کہ اگر کسی کو بتایا تو تمھارے والدین اور بہن بھائیوں کو قتل کردوں گا” style=”style-7″ align=”left” color=”#dd3333″][/bs-quote]
جعلی پیر ملزم عابد پر الزام ہے کہ وہ تین ماہ سے دو کم سِن بچیوں اریبہ اور علینہ کو جنسی زیادتی کا نشانہ بنا رہا تھا، پولیس کے مطابق ملزم نے کئی سال سے بچیوں کو ہوس کا نشانہ بنانے کا اعتراف کیا۔
والدین کا کہنا ہے ملزم بچیوں کو دھمکاتا تھا کہ اگر تم نے کسی کو بتایا تو تمھارے والدین اور بہن بھائیوں کو قتل کردوں گا۔
تیرہ سالہ اریبہ نے والدہ کو زیادتی کے متعلق بتایا تو گھر والوں نے پولیس سے رابطہ کیا، تھانہ بلانی پولیس نے ملزم کو گرفتار کر کے مقدمہ درج کر لیا۔
یہ بھی پڑھیں: پاکپتن : چھ سالہ بچے کا سرکاری اسکول میں زیادتی کے بعد قتل، دو ملزمان گرفتار
متاثرہ بچیوں کے والد کا کہنا ہے کہ ملزم دعا کرانے کے بہانے سے بچیوں کو لے گیا اور زیادتی کا نشانہ بنایا۔ ملزم عابد نے میڈیا کو بتایا کہ وہ عرصہ دراز سے درندگی کر رہا تھا۔
خیال رہے کہ 26 اکتوبر کو پاکپتن میں سرکاری اسکول کے تالاب سے چھ سالہ بچے غلام مصطفیٰ کی لاش ملی تھی، جسے سفاک ملزمان نے زیادتی کے بعد قتل کیا۔
