قومی ٹیم کے مایہ ناز بیٹر فخر زمان نے دورہ جنوبی افریقہ پر فٹںس کے باعث باہر کیے جانے پر خاموشی توڑ دی۔
پاکستان کے اوپنر بیٹر فخر زمان نے دورہ جنوبی افریقہ کے لیے قومی اسکواڈ سے دستبرداری کے بعد ان فٹ ہونے کے تصور کو غلط قرار دے دیا۔
فخر زمان چیمپئنز ٹی 20 کپ میں مارخور کے اسکواڈ کا حصہ ہیں۔
لائنز کے خلاف میچ سے قبل فخر زمان سے صحافی نے فٹنس اور ٹیم میں ممکنہ واپسی کے بارے میں سوال کیا۔ جواب انہوں نے کہا کہ وہ فٹ ہیں اور جب بھی موقع ملے کھیلنے کے لیے تیار ہیں۔
انہوں نے کہا کہ میں فٹ ہوں اور اسی لیے میں کھیل رہا ہوں اور اگر موقع ملا تو کھیلوں گا، میں نے اپنے کیریئر کا آغاز چیمپئنز ٹرافی سے کیا تھا اور میں شکر گزار ہوں کہ میری پرفارمنس اچھی رہی اور ہم نے وہاں میچز جیتے اور اس چیمپئنز ٹرافی میں میری کوشش ہوگی کہ میں اچھا کھیلوں اور جیتوں۔
واضح رہے کہ فخر زمان آسٹریلیا اور زمبابوے کے خلاف حال ہی میں ختم ہونے والی سیریز میں وائٹ بال اسکواڈ میں شامل نہیں تھے۔
