مردان: آئی سی سی چیمپئنر ٹرافی کے فائنل میں بھارت کو ناک چنے چبوانے والے پاکستانی اوپنر فخر زمان اپنے علاقے پہنچے تو دوستوں کے ساتھ سیرو تفریح کے لیے نکل پڑے۔
تفصیلات کے مطابق پاکستان کے نئے ابھرتے ہوئے کھلاڑی فخر زمان آئی سی سی چیمپئنز ٹرافی میں شاندار کارکردگی دکھانے کے بعد جب اپنے گاؤں واپس پہنچے تو مقامی لوگوں نے اُن کا شاندار استقبال کیا۔
ابھرتے ہوئے نئی کھلاڑی کی زندگی کس قدر سادہ ہے یہ تو اُن کے گھر کو دیکھ کر اندازہ کیا جاسکتا ہے تاہم انٹرنیٹ پر فخر زمان کی ایک ویڈیو شیئر کی گئی ہے جس میں اُن کو دوستوں کے ساتھ پکنک مناتے دکھایا گیا ہے۔
یہ پڑھیں: بھارت کیخلاف شاندار کارگردگی، مردان کا کاٹلنگ چونگی چوک فخرزمان کے نام سے منسوب
وطن واپسی کے اگلے ہی روز دوستوں کی فرمائش پر فخر زمان اپنے گاؤں کٹلانگ پہنچے اور وہاں موجود نہر پر عزیزو اقارب کے پکنک منانے لگے، اس موقع پر فخر زمان نے نہر میں چھلانگ بھی لگائی اور خوب لطف اندوز ہوئے۔
ویڈیو دیکھیں
جیسے ہی لوگوں کو فخر زمان کی موجودگی کی اطلاع ملی تو بڑی تعداد میں عوام وہاں پہنچ گئے اور اُن کے ساتھ تصاویر بنوانے لگے، اس دوران کرکٹر بھی لوگوں کے ساتھ گھل مل گئے۔
ویڈیو دیکھیں
یاد رہے کہ فخر زمان اس سے قبل نیوی سے وابستہ تھے اور وہاں سے باقاعدہ کرکٹ بھی کھیلتے تھے، آٗی سی سی چیمپئنز ٹرافی میں جیت کا سہارا اسٹار کرکٹر نے نیوی کے کوچ اور پی ایس ایل کو دیا ہے۔
اگر آپ کو یہ خبر پسند نہیں آئی تو برائے مہربانی نیچے کمنٹس میں اپنی رائے کا اظہار کریں اور اگر آپ کو یہ مضمون پسند آیا ہے تو اسے اپنی فیس بک وال پر شیئر کریں۔
