لاہور: اوپننگ بیٹسمین فخر زمان نے چار سیزن کے بعد پاکستان سپر لیگ (پی ایس ایل) کی ٹیم لاہور قلندرز سے راہیں جدا کرلیں۔
تفصیلات کے مطابق پی ایس ایل میں لاہور قلندرز کی نمائندگی کرنے والے اوپنر فخر زمان نے سماجی رابطے کی ویب سائٹ ٹویٹر پر اپنے پیغام میں کہا کہ وہ اس بار قلندرز کے ساتھ نہیں ہوں گے۔
فخر زمان نے چار سال کے یادگار لمحات اور کیریئر بنانے کے لیے موقع دینے پر لاہور قلندرز کا شکریہ بھی ادا کیا، ان کا کہنا تھا کہ وہ اگلے سیزن میں نئے چیلنج کے لیے تیار ہیں۔
Thank you @lahoreqalandars for the last 4 memorable seasons. You’ve played a huge role in my career by providing me an opportunity to showcase my skills.
Looking forward to a new challenge in the upcoming season. pic.twitter.com/sDC7CnanHD— Fakhar Zaman (@FakharZamanLive) December 30, 2020
پی ایس ایل کے آفیشل اکاؤنٹ سے جاری پیغام میں کہا گیا ہے کہ فخر زمان اس بار نئی ٹیم سے ایکشن میں ہوں گے، تاہم قوانین کے مطابق فخر زمان جو کہ پلاٹینم کیٹیگری میں شامل ہیں، لاہور سے ریلیز ہونے کے بعد پلیئرز ڈرافٹ میں جائیں گے جہاں سے ان کا انتخاب کیا جائے گا۔
JUST IN: Star batsman Fakhar Zaman will be moving on to another team this season.
Which team do you think can pick @FakharZamanLive at the #HBLPSL Draft? https://t.co/YGhGM0iKZJ
— PakistanSuperLeague (@thePSLt20) December 30, 2020
دوسری جانب ذرائع کا کہنا ہے کہ قلندرز محمد حفیظ، حارث رؤف، شاہین شاہ آفریدی، دلبر حسین، بین ڈنک، ڈیوڈ ویئسا اور سُمت پٹیل کو برقرار رکھنے پر متفق ہیں۔
واضح رہے کہ پاکستان سپر لیگ کا چھٹا ایڈیشن 20 فروری سے شروع ہونا ہے جبکہ پلیئرز ڈرافٹ 10 فروری کو ہوں گے، پلیئرز ڈرافٹ سے قبل کھلاڑیوں کی ری ٹیشن کا مرحلہ جاری ہے، ہر فرنچائز آٹھ کھلاڑیوں کو ری ٹین (برقرار) رکھ سکتی ہے۔