قومی ٹیم کے اوپننگ بیٹر فخر زمان نے اشارہ دیا ہے کہ چیمپئنز ٹرافی میں ان کے ساتھ بابر اعظم اوپننگ کریں گے۔
پاکستان کے اوپنر فخر زمان نے کہا کہ کیریئر کا آغاز چیمپئنز ٹرافی سے ہوا تھا، کوشش کروں گا اس چیمپئنز ٹرافی کو بھی ٹیم کے لیے یادگار بناؤں۔
انہوں نے کہا کہ بابر جیسی کلاس کے بیٹڑ کے لیے نمبر معنی نہیں رکھتا امید ہے وہ اوپننگ میں اچھا کریں گے۔
انہوں نے کہا کہ چیمپئنز ٹرافی بڑا اہم ایونٹ ہے، پُرجوش ہیں کہ پاکستان میں آئی سی سی ایونٹ ہو رہا ہے، میری شروعات بھی چیمپئنز ٹرافی سے ہوئی تھیں، کوشش کروں گا کہ یہ چیمپئنز ٹرافی میرے اور ٹیم کے لیے یادگار رہے۔
انہوں نے کہا کہ میں بھارت کے خلاف میچ بھی اسی مائنڈ سیٹ سے کھیلتا ہوں جیسا دوسری ٹیموں کے خلاف کھیلتا ہوں۔
فخر زمان نے کہا کہ مجھے انجری نہیں تھی بلکہ بیمار تھا اور بیماری کسی کو بھی ہو سکتی ہے۔
انہوں نے کہا کہ مجھے ہائپر تھائیرائیڈ ہو گیا تھا، 10 کلو وزن کم ہوا اور پٹھے کمزور ہو گئے تھے، ری کوری میں وقت لگا اسی وجہ سے ٹیم سے باہر تھا کوئی اور وجہ نہیں تھی۔
فخر زمان نے کہا کہ اب میں مکمل فٹ ہوں، ڈومیسٹک میں شروع کے چار پانچ میچز مشکل تھے جیسے کھیلنا بھول گیا ہوں، آہستہ آہستہ بہتر ہوا ہوں اور اچھی پرفارمنس رہی، اب تو مکمل صحت یاب ہوں۔
