قومی ٹیم کے اوپنر بیٹر فخر زمان کا کہنا ہے کہ بابر اعظم ڈاٹ بال بہت کم کھیلتے ہیں۔
اوپنر بیٹر فخر زمان سے حالیہ انٹرویو میں میزبان نے پوچھا کہ آپ تقریباً 7 سے 8 سال سے کرکٹ کھیل رہے ہیں، آپ کا پسندیدہ اوپننگ پارٹنر کون سا ہے؟
فخر زمان نے کہا کہ میں تقریباً 11 سے 12 کھلاڑیوں کے ساتھ اوپننگ کرچکا ہوں۔
انہوں نے کہا کہ مجھے بابر اعظم کے ساتھ اننگ کا آغاز کرنے میں مزہ آتا ہے کیونکہ وہ ڈاٹ بال کم کھیلتے ہیں تو آپ پر دباؤ نہیں آتا۔
Birthday boy Fakhar Zaman picks his favorite batting partner pic.twitter.com/oOOmAeSJ6m
— CricWick (@CricWick) April 10, 2024
فخر زمان نے کہا کہ میں شروع سے ہی جارحانہ انداز میں بیٹنگ کرتا ہوں اور میرا کام یہی ہوتا ہے کہ پارٹںر کے لیے آسان بناؤں لیکن مجھے ایسا لگتا ہے کہ جب بھی بابر کے ساتھ کھیلا تو وہ میرے لیے آسانیاں پیدا کررہے ہیں۔
اوپنر بیٹر نے کہا کہ بابر اعظم اسٹرائیک روٹیٹ کرتے ہیں اور لوز بال پر باؤنڈری لگاتے ہیں جسے دیکھ کر مزہ آتا ہے کہ کسی کھلاڑی کے ساتھ کھیل رہا ہوں۔
انہوں نے کہا کہ پریکٹس کی وکٹیں صحیح نہیں ہوتیں اس پر بیٹنگ کرنا مشکل ہوتا ہے لیکن بابر وہاں بھی عمدہ بیٹنگ کرتے ہیں جس سے ہم سیکھتے ہیں اور یہ بھی پتا چلتا ہے کہ بابر اعظم کس لیول کے پلیئر ہیں۔
