The news is by your side.

’کمزور دل والے ہمارا میچ نہ دیکھیں‘

قومی ٹیم کے جارحانہ بلے باز فخر زمان نے سنسنی سے بھرپور پاک انگلینڈ میچ پر کہا ہےکہ ہمارا میچ کمزور دل والے نہ دیکھیں۔

انگلینڈ کے خلاف چوتھے ٹی ٹوئنٹی میں میچ کا پانسہ قومی ٹیم کے حق میں پلٹنے والے فاسٹ بولر حارث روف کو مین آف دی میچ قرار دیا گیا۔

انگلینڈ کی ٹیم 167 رنز کے مقابلے میں 163 رنز بناکر آؤٹ ہوگئی، حارث روف کے شاندار اوور نے میچ کا نقشہ تبدیل کیا۔

حارث رؤف نے دو گیندوں پر دو وکٹیں لیکر میچ کا پانسہ پلٹا، اس سے قبل انگلینڈ کے جارح مزاج بیٹر لیام ڈاسن نے محمد حسنین کے اوور میں 25 رنز بٹور کر میچ کو انگلینڈ کی جھولی میں ڈال دیا تھا۔

ٹیم کی سنسنی خیز مقابلے کے بعد یادگار فتح پر فخر زمان نے کھلاڑیوں کی تعریف کرتے ہوئے کہا کہ رضوان، آصف علی اور ہمارے بولرز نے بہترین کارکردگی کا مظاہرہ کیا۔

پل پل بدلتی صورتحال میں اعصاب شکن مقابلے سے متعلق بلے باز کا کہنا تھا کہ ہمارا میچ کمزور دل حضرات ہر گز نہ دیکھیں۔

Comments

یہ بھی پڑھیں