کراچی: پاکستانی اداکار و گلوکار فخر عالم نے ’مشن پرواز‘ کا آغاز کردیا، وہ ہوائی جہاز میں دنیا کا چکر لگائیں گے۔
تفصیلات کے مطابق فخر عالم نے گزشتہ دنوں سماجی رابطے کی ویب سائٹ پر اعلان کیا تھا کہ میں تین برس کی انتھک محنت کے بعد اپنا خواب پورا کرنے جارہا ہوں۔ انہوں نے آگاہ کیا تھا کہ ’مشن پرواز‘ کے تحت میں دنیا کا چکر لگاؤں گا اور اگر اس میں کامیاب رہا تو ملکی تاریخ کا پہلا پائلٹ ہوں گا۔
فخر عالم نے کچھ دیر قبل سماجی رابطے کی ویب سائٹ پر کراچی ائیرپورٹ (جناح انٹرنیشنل) کی تصویر شیئر کی اور پاکستانیوں کا شکریہ ادا کرتے ہوئے کہا کہ ’میں اپنی منزل کی طرف گامزن ہوں اور واپس اسی ہوائی اڈے پر آؤں گا‘۔ انہوں نے یہ بھی لکھا کہ ’13 اکتوبر کو مجھے فلائٹ اڑانی ہے جس کا شدت سے انتظار ہے‘۔
Dear all I am happy to report to you all today that after 3 years of a lot of hard work & persistence #MissionParwaaz my attempt to circumnavigate the globe is finally happening. If I succeed I will become the 1st Pakistani in the history of the world to do so. pic.twitter.com/En2NWUX0FH
— Fakhr-e-Alam (@falamb3) September 30, 2018
اس ضمن میں گزشتہ روز اے آر وائی نیوز کے پروگرام میں گفتگو کرتے ہوئے فخر عالم کا کہنا تھا کہ ’جب میں نے 2015 میں پرائیوٹ پائلٹ لائسنس حاصل کیا تو اسی برس اکتوبر میں اپنی بچپن کی خواہش ’مشن پرواز‘ کا اعلان کیا تھا جس پر تین سال تک شبانہ روز محنت کی اور انتظامات کیے۔
اُن کا کہنا تھا کہ مشن پرواز کا آغاز 6 اکتوبر کی صبح 7 بجے سے امریکی ریاسٹ فلوریڈا سے ہوگا، اُس کے بعد ہم مختلف ممالک کے انٹرنیشنل ائیرپورٹس پر لینڈ کریں گے اور اگر موسم ٹھیک ملا تو یہ سفر 28 یا 29 روز میں مکمل ہوجائے گا۔
Thank you Pakistan….I am now on my way….as we push back at Jinnah International I am overwhelmed by emotions. I can’t wait to fly into this airport inshallah by the 13th October. Need all your prayers. #MissionParwaaz pic.twitter.com/VR8TCFzExI
— Fakhr-e-Alam (@falamb3) October 3, 2018
فخر عالم کا کہنا تھا کہ اس مشن میں سنگل انجن جہاز استعمال کروں گا جو مجھے بیرونِ ملک میں مقیم دوست نے خرید کر دیا، اگر دنیا کا چکر لگانے میں کامیاب ہوا تو پہلا پاکستانی بن جاؤں گا۔
اُن کا کہنا تھا کہ ’عالمی ریکارڈ میں اندراج کے لیے اس مشن کے چند اصول ہیں، سب سے پہلے آپ جس ائیرپورٹ سے سفر شروع کریں وہی اس کا اختتام کریں، ایک ہی جہاز استعمال کریں، 26 ہزار ناٹیکل سفر طے کرتے ہوئے تمام ٹائم زون میڈیم سے گزریں، ان تمام شرائط کو پورا کرنے کے بعد اور مشن مکمل ہونے کے بعد نام درج کیا جائے گا‘۔
فخر عالم کا کہنا تھا کہ ’جہاز کا پائلٹ میں ہوں مگر انشورنس کمپنی نے میرے ساتھ ایک سرٹیفائیڈ انجنیئنر کو بھی نامزد کیا جو مجھے کروشیا کے بعد جوائن کرے گا تاکہ اگر کوئی مسئلہ درپیش آئے تو اسے فوری طور پر ٹھیک کیا جاسکے‘۔
To all friends in America you are welcome to join me for a meet and greet on the 5th Oct from 3pm to 6pm. You can take photos with me & the aircraft at the following address:
Tampa Bay Aviation 1000 N. Hercules Ave. Clearwater FL 33765
Oh 727-461-5229
See you all there.
— Fakhr-e-Alam (@falamb3) October 3, 2018
گلوکار کا کہنا تھا کہ میری ہمیشہ سے کوشش رہی کہ ملک کے لیے کچھ کر گزروں اور پاکستان کا مثبت چہرہ دنیا کے سامنے لاؤں۔
واضح رہے کہ 1940 کے بعد سے اب تک 200 افرادایسے ہیں جو دنیا کا چکر لگانے میں کامیاب ہوئے، گزشتہ برس پاکستانی نژاد امریکی باپ بیٹے نے کوشش کی مگر بدقسمتی سے اُن کا جہاز گر کرتباہ ہوگیا تھا۔