معروف گلوکار فلک شبیر نے بیٹی کے ساتھ خوبصورت تصاویر شیئر کردیں، مداحوں نے ان کے لیے دعاؤں اور نیک خواہشات کا اظہار کیا۔
تفصیلات کے مطابق معروف گلوکار فلک شبیر نے سماجی رابطے کی ویب سائٹ انسٹاگرام پر بیٹی کے ساتھ اپنی نئی تصاویر شیئر کیں۔
تصاویر میں وہ اپنی بیٹی کو کندھوں پہ اٹھائے دکھائی دے رہے ہیں جبکہ ننھی بچی بھی خوشگوار موڈ میں کھلکھلا رہی ہے، کیپشن میں انہوں نے بیٹی کو اللہ کی رحمت لکھا۔
View this post on Instagram
مداحوں نے ان کی تصاویر کو بے حد پسند کیا اور ان کے لیے دعاؤں اور نیک خواہشات کا اظہار کیا۔
یاد رہے کہ فلک شبیر اور معروف اداکارہ سارہ خان سنہ 2020 میں رشتہ ازدواج میں منسلک ہوئے تھے، دونوں کے یہاں 2021 میں بیٹی کی پیدائش ہوئی تھی جس کا نام عالیانہ فلک رکھا گیا تھا۔
