The news is by your side.

Advertisement

سندھ ہائیکورٹ نے جنگ، جیو کو پی ایس ایل رائٹس پر جھوٹی خبروں سے روک دیا

کراچی: سندھ ہائیکورٹ نے جنگ اور جیو کو پی ایس ایل رائٹس پر جھوٹی خبروں سے روک دیا ہے۔

تفصیلات کے مطابق جنگ اور جیو کی جانب سے پی ایس ایل رائٹس پر جھوٹی خبروں کے معاملے پر سندھ ہائی کورٹ نے حکم جاری کیا کہ جھوٹی خبروں سے اجتناب کیا جائے۔

جنگ اورجیو کو اے آر وائی، پی ٹی وی کنسورشیم پر جھوٹے الزامات لگانے سے بھی روک دیا گیا ہے، نیز سندھ ہائیکورٹ نے ٹرانسپیرنسی انٹرنیشنل کو بھی جھوٹے الزامات سے روک دیا ہے۔

ہائیکورٹ نے کہا کہ جنگ، جیو، اور ٹرانسپیرنسی انٹرنیشنل جھوٹی خبروں اور بیانات سے اجتناب کریں۔ واضح رہے کہ اے آر وائی نے پی ایس ایل رائٹس کے خلاف جھوٹی خبروں پر ہائیکورٹ سے رجوع کیا تھا۔

درخواست میں کہا گیا تھا کہ پی ایس ایل رائٹس پر جنگ، جیو جھوٹی، تضحیک آمیز خبریں شائع کر رہے ہیں، جھوٹی خبروں کا مقصد ہماری ساکھ متاثر کرنا ہے۔

درخواست میں مزید کہا گیا کہ ٹرانسپیرنسی انٹرنیشنل نے 27 دسمبر کو ہمارے خلاف بے بنیاد خط جاری کیا، فریقین کو درخواست گزار کے کنسورشیم پر جھوٹی خبروں سے روکا جائے، نیز ٹرانسپیرنسی انٹرنیشنل کو کامیاب بڈنگ پر جھوٹے الزامات سے مستقل روکا جائے۔

درخواست گزار نے عدالت سے استدعا کی کہ فریقین تضحیک آمیز خبروں اور بیانات پر غیر مشروط معافی بھی مانگیں۔ یاد رہے کہ جنگ اور جیو نے رائٹس بڈنگ ہارنے پر اے آر وائی، اور پی ٹی وی کے خلاف جھوٹی خبریں شائع کیں۔

Comments

یہ بھی پڑھیں