The news is by your side.

Advertisement

مینارپاکستان پر خاتون سے دست درازی کیس، اہم دعویٰ سامنے آگیا

لاہور : مینارپاکستان پرخاتون سےدست درازی کاکیس میں گرفتار افراد کے اہل خانہ نے دعویٰ کیا ہے کہ گرفتار درجنوں افراد کا واقعہ سے تعلق ہی نہیں، کئی نوجوان کو ایسے ہیں جو وقوعہ کے وقت اپنے گھروں میں تھے۔

تفصیلات کے مطابق لاہورمیں مینارپاکستان پرخاتون سےدست درازی کیس کی تحقیقات جاری ہے ، گرفتار افراد کے اہل خانہ نے دعویٰ کیا ہے کہ گرفتار 104 افراد میں سے درجنوں کا واقعہ سے تعلق ہی نہیں۔

اہلخانہ نے الزام بھی عائد کیا ہے کہ کئی ایسے نوجوان دھر لیے گئے جو وقوعہ کے وقت اپنے گھروں میں تھے جبکہ مینار پاکستان کے قریب سے گزرنےوالوں کوپکڑلیاگیا، بیوی بچوں کے ساتھ مینار پاکستان جانےوالے بھی گرفتار کرلیے۔

اس حوالے سے انچارج انوسٹی گیشن کا کہنا ہے کہ 28اگست کو104 گرفتاراافرادکو شناخت کرایا جائے گا۔

دوسری جانب مینار پاکستان خاتون سےدست درازی کیس میں گرفتار مزید 13 ملزمان کوضلع کچہری عدالت میں پیش کیا گیا ، جہاں جوڈیشل مجسٹریٹ نے 13ملزمان کو شناخت پریڈ کے لیے جیل بھجوا دیا، تاحال 144 ملزمان شناخت پریڈ کے لیے جیل منتقل کیے جا چکا ہے۔

Comments

یہ بھی پڑھیں